დევიდ ბექჰემის აზრით, „ლივერპული“ ჩემპიონთა ლიგის ფინალს ძალიან დაღლილი შეხვდება, „რეალს“ კი ამ მხრივ კარგი სიტუაცია აქვს...

„„ბლანკოსმა“ უკვე გაიფორმა ლა ლიგა და მომდევნო მატჩები ფორმალურ ხასიათს მიიღებს. დარწმუნებული ვარ, ანჩელოტი როტაციას ხშირად მიმართავს და ფეხბურთელებს დასვენების საშუალება მიეცემათ, რასაც ვერ ვიტყვი „ლივერპულზე“, რომელსაც გუარდიოლას გუნდთან დიდი კონკურენცია აქვს.“

„ვფიქრობ, პრემიერლიგისთვის ბრძოლა ბოლო ტურამდე გაგრძელდება და მერსისაიდულ კლუბს არნახული ძალისხმევის გაღება მოუწევს.“

„ფავორიტი? შანსები თანაბარი იქნება. ეს ერთმატჩიანი ბრძოლაა, სადაც ყველა მომენტს დიდი მნიშვნელობა ექნება.“