„მანჩესტერ სიტისთან“ მადრიდის „რეალის“ ისტორიულ „ქამბექს“ არა ერთი მოქმედი თუ ყოფილი ფეხაბურთელი გამოეხმაურა და მათ შორის იყო სამუელ ეტოოც.

კამერუნელი მოთამაშე, რომელიც კარიერის საწყის წლებში „ბლანკოსში“ ირჯებოდა, ხოლო შემდეგ მრავალი სეზონის განმავლობაში „ბარსელონასთვის“ უტევდა, ყოველთვის ანტიმადრიდული განცხადებებით იჩენდა თავს და „თეთრების“ მიმართ უპატივცემულობას გამოხატავდა.

„ქალაქელებთან“ ნამატჩევს, ვეტერანი მოთამაშის მიერ სოციალურ ქსელში ატვირთულმა პოსტმა გაურკვევლობა გამოიწვია გულშემატკივრებში. ბევრი ფიქრობს, რომ მან ფერი იცვალა, „ბარსა“ უარყო და ახლა „რეალის“ ქომაგების კეთილგანწყობოს მოპოვებას ცდილობს.

„ბრავო მადრიდის „რეალს,“ სადაც ჩემთვის ყველაფერი დაიწყო, შთამბეჭდავი გამარჯვებისთვის“ - დასძინა ეტოომ.