ბრაზილიურ მედიაში გავრცელდა ცნობა, თითქოს „რეალი“ მზად არის, კარგი შემოთავაზების სანაცვლოდ შეელიოს შემადგენლობის ბურჯს.

„მარკას“ ჟურნალისტმა კარიო კორტეხანამ აღნიშნულ ინფორმაციას მტკნარი სიცრუე უწოდა. მისი თქმით, არც სამეფო კლუბი აპირებს კაზემიროს გაშვებას და არც თავად მოთამაშე გეგმავს გუნდის გამოცვლას.

სამხრეთ ამერიკელი საყრდენი ნახევარმცველი მიმდინარე ფორმაციის „ბლანკოსის“ ერთ-ერთი ყველაზე მნიშვნელოვანი ფიგურაა. „მანჩესტერ სიტის“ მატჩის წინ გამართულ პრესკონფერენციაზე, როგორც ლუკა მოდრიჩმა, ასევე კარლო ანჩელოტიმ ერთხმად გაუსვეს ხაზი, თუ რაოდენ ნიშადობლივი მოვლენაა „ქალაქელებთან“ განმეორებით პაექრობაში კაზემიროს ყოფნა მწვანე მინდორზე.