მიმდინარე სეზონში „რეალი“ აქტიურად აკვირდება „მონაკოს“ ახალგაზრდა უნიჭიერესს ნახევარმცველს.

სამეფო კლუბში აურელიენ ჩუამენს კაზემიროს შემცვლელად განიხილავენ და როგორც ცნობილია, თავად მოთამაშის პრიორიტეტსაც მადრიდულ გრანდში კარიერის გაგრძელება წარმოადგენს. „სანტიაგო ბერნაბეუზე“ მხოლოდ ფეხბურთელის სატრანსფერო ღირებულება არ მოსწონს. არსებული მომენტისათვის, მონეგასკები 70 მილიონ ევროდ აფასებენ მის შესაძლებლობებს.

გავრცელებული ინფორმაციით, „ბლანკოსმა“ კამერუნელის აგენტს სთხოვა, რომ ამ უკანასკნელმა „მონაკოს“ ხელმძღვანელობასთან ფასის შემცირებაზე იმუშაოს. „თეთრები“ მზად არიან 50-დან 60 მილიონ ევრომდე გადაიხადონ მასში.