რაფაელ ნადალის დამოკიდებულება სამეფო კლუბის მიმართ ყველასათვის კარგად არის ცნობილი.

ერთ-ერთმა ყველაზე ტიტულოვანმა ჩოგბურთელმა, განვლილ უქმეებზე, „რეალის“ საჩემპიონო დაპირისპირება „ესპანიოლის“ წინააღმდეგ სიმბოლური დარტყმით გახსნა. მას უნდა, რომ „ბლანკოსის“ გვერდით იყოს ჩემპიონთა ლიგის ნახევარფინალური სტადიის საპასუხო შეხვედრაშიც.

გავრცელებული ინფორმაციით, სპორტსმენმა მადრიდში მიმდინარე ტურნირის (Mutua Madrid Open) ორგანიზატორებს სთხოვა, რომ ოთხშაბათისთვის თამაში არ ჩაუნიშნონ, ვინაიდან „სანტიაგო ბერნაბეუსკენ“ მიუწევს გული, სადაც მხარი უნდა დაუჭიროს ანჩელოტის შეგირდებს ფინალისაკენ მიმავალ გზაზე.