როგორც იცით, განვლილ უქმეებზე „რეალმა“ 35-ედ იზეიმა შიდა ჩემპიონატის მოგება.

ესპანეთის ფარგლებში მადრიდელები ყველაზე ტიტულოვანი კლუბის წოდებას ატარებენ. ისინი 9 თასით უსწრებენ მეორე ადგილოსან „ბარსელონას,“ თუმცა ევროპის მასშტაბით, „ბლანკოსი“ მხოლოდ მე-7 პოზიციას სჯერდება.

არსებული მომენტისათვის, ბებერ კონტინენტზე ყველაზე მეტჯერ ჩრდილო ირლანდიურ „ლინფილდს“ აქვს მოგებული ეროვნული პირველობა. ისინი 56 შემთხვევაში გახდნენ გამარჯვებულები. მეორე ადგილს „რეინჯერსი“ იკავებს - 55, მესამეს „სელტიკი“ - 51, მეოთხეს „„ოლიმპიაკოსი,“ - 46, მეხუთეს „ბენფიკა“ - 41, ხოლო მეექვსეს „იუვენტუსი“ - 36.