მომდევნო უქმეებზე პრიმერა დივიზიონის მასშტაბით მადრიდული დერბი გაიმართება. „რეალმა“ უკვე ჩემპიონობა გაიფორმა, ხოლო „ატლეტიკო“ ოთხეულში ადგილის შენარჩუნებისათვის აგრძელებს ბრძოლას.

აღსანიშნავია, რომ „ესპანიოლის“ დამარცხების შემდეგ, „როხიბლანკოსა“ და „ოსასუნას“ გარდა, ლა ლიგის ყველა კლუბმა მიულოცა „ბლანკოსს“ 35-ე ტიტული.

გავრცელებული ინფორმაციით, გუშინ, „თეთრებმა თანაქალაქელებისგანაც მიიღეს შესაბამისი სიტყვები, თუმცა არა საჯაროდ (როგორც ეს დანარჩენმა გუნდებმა გააკეთეს სოციალური ქსელის გამოყენებით), არამედ პირადი წერილის მეშვეობით.