ბრაზილიელი ფეხბურთელი ძალიან ახლოს არის უნიკალური მიღწევის დაფიქსირებასთან.

როგორც იცით, გუნდის კაპიტანი მიმდინარე სეზონის დასრულებისთანავე დატოვებს ესპანეთის დედაქალაქს. პრიმერა დივიზიონის ჩემპიონობის გაფორმების შემდეგ კი, ის „ბლანკოსის“ ისტორიაში ყველაზე ტიტულოვანი ფეხბურთელი გახდება. მისთვის მორიგი ოქროს მედალი რიგით 24-ე იქნება.

იანვარის თვეში ესპანეთის სუპერ თასის მოგებით, მარსელო ლეგენდარულ ხენტოს გაუთანაბრდა, ხოლო ახლა უკან მოიტოვებს მას. აღნიშნულ რეიტინგში მესამე პოზიციას სერხიო რამოსი იკავებს (22), ხოლო მეოთხეს კარიმ ბენზემა (20).

დიდი ალბათობით, სამხრეთ ამერიკელი საჩემპიონო დაპირისპირებას („ესპანიოლის“ წინააღმდეგ) სასტარტო შემადგენლობიდან დაიწყებს. შესაბამისად, თავადვე ექნება შანსი, რომ ამ ყველაფრის მონაწილე გახდეს.

მარსელომ პირველი ტიტული 2007 წელს მოიგო „რეალთან“ ერთად. საერთო ჯამში მის აქტივშია: 5 ლალიგა, 4 ჩემპიონთა ლიგა, 4 საკლუბო მუნდიალი, 3 ევროპის სუპერ თასი, 5 ესპანეთის სუპერ თასი და 2 სამეფო თასი.

მარსელო რამდენიმე კვირაში დაასრულეს 16 სეზონიან მოღვაწეობას მადრიდში.