სეზონის ყველაზე მნიშვნელოვან და გადამწყვეტ მომენტში ნაჩო კვლავ ყურადღების ცენტრში ექცევა.

წლების განმავლობაში ესპანელი ფეხბურთელი „რეალის“ მაშველ რგოლად ჩამოყალიბდა. უნივერსალურობიდან გამომდინარე, მას სხვადასხვა პოზიციებზეც კი უწევს გუნდისათვის დახმარების გაწევა.

ფერნანდესმა მონაწილეობა მიიღო „პსჟ“-სა და „ჩელსისთან“ საპასუხო შეხვედრებში. პირველ შემთხვევაში ის ტრავმირებული მენდის ნაცვლად ირჯებოდა, ხოლო მეორე ჯერზე დისკვალიფიცირებულ მილიტაოს ადგილს იკავებდა სასტარტო თერთმეტეულში. აღსანიშნავია, რომ ნაჩომ „ეტიჰედზეც“ იასპარეზა. შესვენების შემდეგ დავიდ ალაბამ ვეღარ შეძლო თამაშის გაგრძელება და შესაბამისად, მწვრთნელმა მას უხმო.

დიდი ალბათობით, ავსტრიელი მცველი ვერც ოხთშაბათის პაექრობაში მიიღებს მონაწილეობას, ვინაიდან მისი მდგომარეობა იმედისმომცემი არ არის. აქედან გამომდინარე, კურტუას წინ ედერისა და ფერნანდესის ტანდემს ვიხილავთ.

იმედია, როგორც წინა 2 შემთხვევაში, ახლაც, ნაჩოს მონაწილეობით „რეალი“ მოახერხებს შემდეგ ეტაპზე გასვლას.