„მანჩესტერ სიტისთან“ განვლილმა დაპირისპირებამ კიდევ ერთხელ ცხადყო, რომ კროოსი კაზემირო არ არის.

ბრაზილიელი ფეხბურთელის არყოფნის პირობებში, კარლო ანჩელოტიმ გერმანელ მოთამაშეს მოარგო საყრდენი ნახევარმცველის ფუნქციები და შეიძლება ითქვას, ეს უკანასკნელი ერთ-ერთი სუსტი წერტილი იყო შეხვედრის განმავლობაში. ტონი ქაოტურად მოძრაობდა მოედანზე და საკმაოდ დაგვიანებულ გადაწყვეტილებებს იღებდა. მას 74-ე წუთზე მოეხსნა გარკვეული ტვირთი, როდესაც საქმე ჩაერთო ედუარდო კამავინგა და „რეალის“ სათამაშო ტაქტიკის გადაწყობა მოხდა.

მსაჯის საფინალო სასტვენამდე „რვიანმა“ 62 გადაცემის გაკეთება მოასწრო (92%-იანი სიზუსტით). მის მიერ შესრულებული ვარდნების მხოლოდ 33% გამოდგა წარმატებული. მან ორჯერ მოიპოვა ბურთი, ხოლო რვაჯერ დაკარგა. აღსანიშნავია, რომ რადიკალურად განსხვავებულია მისი ვიზავის სტატისტიკა. როდრიმ 92-ჯერ უპასა თანაგუნდელებს (92%-იანი სიზუსტით), 10-ჯერ დაიბრუნა ბურთი და ყველა ვარდნიდან გამარჯვებული გამოვიდა.

სწორედ „ხუთიანის“ პოზიციაზე ცუდი თამაშის გამო გააკრიტიკა 2018 წელს ბალაკმა თანამემამულე. მსოფლიოს ჩემპიონატის შეხვედრაში, კროოსმა სასტარტო შემადგენლობაში კიმიხი შეცვალა. საბოლოოდ გერმანელებმა 2-0 წააგეს სახმრეთ კორეასთან და ჯგუფური ეტაპის გადალახვა ვერ მოახერხეს.

უშუალოდ მიმდინარე სეზონში კი, ტონიმ 3-ჯერ იასპარეზა საყრდენზე. სამივე შემთხვევაში „რეალმა“ მარცხი განიცადა („ესპანიოლთან,“ „პსჟ“-სთან და „სიტისთან“).

ის, რომ კროოსი კაზემირო არ არის, ეს სიტყვები თავად ბუნდეს ნაკრების ყოფილ წევრს ეკუთვნის.