ესპანელ ნახევარმცველს 2023 წლის ზაფხულში ეწურება მადრიდულ გრანდში ყოფნის ვადა.

„სანტიაგო ბერნაბეუზე“ გარკვეული დილემის წინაშე არიან, „თეთრებმა“ ან ახალი კონტრაქტი უნდა შეთავაზონ ფეხბურთელს, ან სარფიან ფასად გაყიდონ, წინააღმდეგ შემთხვევაში, გაისად, თავისუფალი აგენტის სტატუსით მოუწევთ მისი გაშვება, რაც კლუბის გეგმებში ნამდვილად არ შედის.

რამდენიმე კვირის წინ, ასენსიომ ახალ სააგენტოსთან დაიწყო თანამშრომლობა, რომლის დირექტორიც ყველასათვის ნაცნობი ჟორჟე მენდეშია. ჟურნალისტ ფაბრიციო რომანოს ინფორმაციით, უახლოესი დღეების განმავლობაში პორტუგალიელი შეხვედრას გამართავს „რეალთან,“ სადაც საუბარი შეეხება მარკოს მომავალს. მოთამაშის სურვილია კარიერის „ბლანკოსში“ გაგრძელება, თუმცა ეკონომიკური პირობების გაუმჯობესების გათვალისწინებით. ამ ეტაპისათვის უცნობია, თუ რას ფიქრობენ გუნდში ასესნიოსთვის ანაზღაურების გაზრდაზე.

Cadena SER-ის ცნობით, ფეხბურთელს არა ერთი მსურველი ჰყავს, მათ შორის „იუვენტუსი,“ „მილანი“ და „ნიუკასლი.“