„მანჩესტერ სიტისა“ და „რეალის“ პირველ ნახევარფინალურ დაპირისპირებამდე, ალაბას ჯანმრთელობის მდგომარეობა არცთუ ისე დამაკმაყოფილებელი იყო.

კარლო ანჩელოტიმ თამაშამდე რამდენიმე საათით ადრე მიიღო ავსტრიელი ფეხბურთელის სასტარტო შემადგენლობაში განწესების გადაწყვეტილება, თუმცა ამ უკანასკნელმა მხოლოდ 45 წუთის განმავლობაში იასპარეზა. ის შესვენების შემდეგ აღარ გამოჩენილა მწვანე მინდორზე, ხოლო მილიტაოს გვერდით ნაჩომ გააგრძელა ბურთაობა.

ნამატჩევს გამართულ პრესკონფერენციაზე, იტალიელმა დამრიგებელმა დაზუსტებით ვერ თქვა, მიიღებს თუ არა მონაწილეობას „ოთხიანი“ საპასუხო დუელში, მაგრამ, როგორც ჩანს, სიტუაცია საიმედოა.

სტადიონის დატოვების დროს, როდესაც ალაბამ მასმედიისთვის განკუთვნილი ზონა გაიარა, ჟურნალისტმა მას ჰკითხა, თუ როგორ გრძნობდა თავს, რაზეც ალაბამ ჟესტიკულაციით უპასუხო, რომ ყველაფერი რიგზე არის.