ჩემპიონთა ლიგის ნახევარფინალურ სტადიაზე 7 გოლიანი დაპირისპირება ნამდვილად უჩვეულო სანახაობაა.

„ეტიჰედზე“ „მანჩესტერ სიტიმ“ და „რეალმა“ მეტად შთამბეჭდავი ბურთაობა შეთავაზეს გულშემატკივრებს. გვარდიოლას შეგირდებმა „თეთრებს“ 4 გოლი გაუტანეს, თუმცა საკუთარ კარში 3 მიიღეს.

აქამდე, ტურნირის ისტორიაში მხოლოდ ორჯერ იყო დაფიქსირებული აღნიშნული სტადიის ერთ შეხვედრაში 7 შედეგიანი დარტყმა. 2018 წელს, „ლივერპულმა“ 5-2 დაამარცხა „რომა,“ ხოლო 1995 წელს, ანალოგიური ანგარიშით სძლია „აიაქსმა“ „ბაიერნს.“