ჩემპიონთა ლიგის ნახევარფინალური სტადიის პირველ დაპირისპირებაში ორი საუკეთესო მწვრთნელის დუელს ვიხილავთ.

ანჩელოტი და გვარდიოლა თავიანთი კლუბებში დიდებულ სამუშაოს ასრულებენ, რაც შედეგებიდანც ნათელია.

BeSoccer-ის მიერ შედგენილი სტატისტიკის მიხედვით, იტალიელი დამრიგებელი სამეფო კლუბის რიგებში, მატჩების 74,2%-ს ასრულებს გამარჯვებით, ხოლო რაც შეეხება ესპანელს, მისი მაჩვენებელია 72,6%. ამასთანავე, პაპა კარლომ უფრო ნაკლები შეხვედრა დათმო „რეალის“ მესაჭედ მუშაობის განმავლობაში - 13.7%, ვიდრე პეპმა „სიტიში“ - 14,5%.

რაც შეეხება გატანილ გოლებს, ანჩელოტის შეგირდები საშუალოდ 2,53, გვარდიოლას დამოძღვრილები კი 2,43 შედეგიან დარტყმას ახორციელებენ პაექრობის მიმდინარეობისას.