კარლო ანჩელოტიმ „სიტისთან“ დაპირისპირებასთან დაკავშირებით პრესკონფერენცია გამართა...

„ვიცით, რომ ურთულესი მატჩი გველის. შესაბამისად, ძალიან ვღელავთ და ფინალში გასვლისთვის ბრძოლას ვაპირებთ. ეს გასვლითი მატჩია, სადაც სტუმრად გატანილი გოლის წესი გაუქმდა, შესაბამისად განსხვავებული სცენარით მოგვიწევს ასპარეზობა. ფინალთან ახლოს ვართ და ეს დიდ ემოცის გვგვრის.“

„ფერლან მენდი თავს კარგად გრძნობს. დავიდ ალაბასა და კაზემიროს მდგომარეობა ბოლომდე დამაკმაყოფილებელი არ არის. გადაწყვეტილებას სავარაუდოდ ხვალ მივიღებ.“

„მოთამაშეებთან ბევრი საუბარი არ მჭირდება, მათ იციან რა დონის მატჩის ჩატარება უწევთ. სტრატეგია შემუშავებულია, მოტივაცია და შემართება კი უსაზღვრო.“

„ლა ლიგაში საქმე შესანიშნავად მიგვდის, მაგრამ ახლა ამაზე საუბარს არ ვაპირებ. ახლა ჩვენი საზრუნავი ხოსეპ გუარდიოლას გუნდთან შესანიშნავი თამაშის ჩატარებაა.“

„კრიტიკოსებისგან საკმაოდ ხშირად მოგვისმენია საფუძველს მოკლებული მოსაზრებები, მაგრამ ამას დიდ მნიშვნელობას არ ვანიჭებთ. ფაქტია, რომ ჩემპიონთა ლიგის 1/2 ფინალში ორი ესპანური კლუბია „რეალისა“ და „ვილიარეალის“ სახით.“

„4-4-2 თუ 4-3-3? ჯერ-ჯერობით არ ჩამოვყალიბებულვარ, კამავინგას საოცარმა პროგრესმა ბევრი გეგმა შემაცვლევინა.“

„ისტორია, რომელიც „რეალს“ ჩემპიონთა ლიგაზე აქვს, ზეწოლას ზრდის, თუმცა ზეწოლა მოწინააღმდეგეების მიმართაც იზრდება. დღევანდელი ფორმაციის „ბლანკოსის“ რამდენიმე ფეხბურთელმა ეპოქა შექმნა და ჩემპიონთა ლიგა 4-ჯერ მოიგო. ისინი ამის გაკეთებას მეხუთედაც შეეცდებიან.“

„მანჩესტერული კლუბის წინააღმდეგ სერიოზული დაპირისპირებების ჩატარება მოგვიწევს. გუარდიოლამ ინგლისური კლუბისგან მსოფლიო დონის გრანდი შექმნა, რომელიც ყველა ტურნირზე ფავორიტია. როდესაც პეპს ვნახავ, აუცილებლად ვეტყვი, რომ ის სამწვრთნელო კარიერის შესანიშნავ ეტაპზეა.“

„პეპის „ბაიერნთან“ საოცარი მატჩი ჩავატარეთ და „ალიანც არენაზე“ ისტორიული გამარჯვება მოვიპოვეთ. გუარდიოლას ამ საკითხზე საკუთარი აზრი აქვს.“

„როდესაც მეტოქე „სიტია“, აუცილებლად უნდა ეცადო, რომ კომპაქტური იყო და კონტრ-შეტევაზე კარგად ითამაშო. ამ გუნდს უყვარს ბურთის ფლობა, საიდუმლო არ არის, რომ ამ მომენტში დიდი სისწრაფეები უნდა განავითარო და მომენტები სწორად გამოიყენო.“

„მანჩესტერულ კლუბს ინგლისში თამაში ჰქონდა, ჩვენ კი რამდენიმე დღით მეტი დავისვენეთ, მაგრამ სეზონის ამ ეტაპზე ყველა ფეხბურთელი შეჩვეულია 3 დღეში ერთხელ თამაშს, აქედან გამომდინარე, პეპის კოლექტივი მზად იქნება.“

„რატომ დავბრუნდი „რეალში“? იმიტომ, რომ გუნდს მწვრთნელი სჭირდებოდა. (იცინის). ვფიქრობ, ოცნება ავიხდინე და რაც მთავარია პრეზიდენტისგან ნდობა მაქვს.“