როგორც ჩანს, ჩემპიონთა ლიგის ნახევარფინალური სტადიის პირველ დაპირისპირებაში გუნდებს საკადრო პრობლემებით მოუწევთ სასურველი ანგარიშის დაფიქსირება.

პეპ გვარდიოლა საკმაოდ დიდი თავსატეხის წინაშე დგას „რეალთან“ შეხვედრის წინ. გუნდის განვლილ სავარჯიშო სესიაში მონაწილეობა არ მიუღიათ კაილ უოკერსა და ჯონ სტოუნსს. ესპანელი მწვრთნელის თქმით, მათთან დაკავშირებით ბოლო წუთამდე არაფერი იქნება ცნობილი, თუმცა, სავარაუდოდ, ორივე იუქმებს მადრიდელების წინააღმდეგ.

„თეთრებთან“ პაექრობაში მონაწილეობას ვერც კანსელო მიიღებს. ამ უკანასკნელმა „ატლეტიკოსთან“ სეზონში მე-3 ყვითელი ბარათი გამოსტყუა მსაჯს და შესაბამისად, დისკვალიფიცირებულია.