როგორც სჩანს, მადრიდის „რეალის“ სატრანსფერო აქტივობა მარჯვენა მცველთან დაკავშირებით თავიდან ბოლომდე ვინისიუს ტობიასის პროგრესზე იქნება დამოკიდებული...

მას შემდეგ, რაც ბრაზილიელი ახალგაზრდა „რეალის“ რიგებს შეუერთდა ძალიან ცოტა დრო გავიდა, მაგრამ „კასტილიას“ დამრიგებელი რაულ გონსალეს ბლანკო ტობიასის შესაძლებლობების მოხიბლულია.

რაული კარლო ანჩელოტისთან მუდმივ კონტაქტზეა და ახალგაზრდა ფეხბურთელების შესახებ დეტალურ ინფორმაციას აწვდის.

ვინისიუსმა უკვე შეძლო და „რეალის“ ლეგენდარული კაპიტანის სიმპატიები დაიმსახურა. არ არის გამორიცხული, ლა ლიგის თასის ნაადრევად გაფორმების შემთხვევაში, ტობიასმა მთავარ გუნდშიც ითამაშოს.

ესპანური გამოცემების ცნობით, პერესი განვითარებულ მოვლენებს აქტიურად აკვირდება. თუ სამწვრთნელო შტაბი ჩათვლის, რომ ვინისიუს ტობიასი მომდევნო სეზონში მთავარ გუნდში თამაშისთვის მზად იქნება, „ბლანკოსი“ რის ჯეიმსის მიმართ ყურადღებას მოადუნებს და მასში დიდი თანხის გადახდას გადაიფიქრებს.

ახლა ბრაზილიელ ახალგაზრდას დიდი შანსი აქვს, რომელიც აუცილებლად უნდა გამოიყენოს.