ბოლო დღეების განმავლობაში ებროპულ პრესაში აქტიურად იწერება „რეალისა“ და რუდიგერის შესაძლო თანამშრომლობის შესახებ.

SkySport-ისა და არა ერთი საფეხბურთო ჟურნალისტის (მათ შორის ფაბრიციო რომანო და ჯანლუკა დი მარციო) ინფორმაციით, გერმანელ მცველს, რომელსაც 30 ივნისს ეწურება მოქმედი კონტრაქტი „ჩელსისთან,“ მხოლოდ ერთი ნაბიჯიღა აშორებს სამეფო კლუბის მაისურის მორგებამდე. თავდაპირველად მხარეებს შორის მოლაპარაკებები, მოთამაშის ეკონომიკური მოთხოვნების გამო ჩიხში შევიდა, თუმცა, როგორც ჩანს, ანტონიომ თანხმობა განაცხადა ჰონორარის შემცირებაზე და შესაბამისად, შეთანხმებაც შედგა.

აღსანიშნავია, რომ „არისტოკრატების“ ერთ-ერთი ლიდერის პოტენციალით, მადრიდელების გარდა, „იუვენტუსი,“ „ბარსელონა“ და „მანჩესტერ იუნაიტედიც“ იყვნენ დაინტერესებულნი.