ალვარო ოდრიოზოლას „ფიორენტინაში“ ბრწყინვალე სეზონი აქვს. განაპირა მცველი იტალიის სერია „ა“-ს შესანიშნავად მოერგო...

ესპანური გამოცემების ცნობით, „რეალში“ მის დატოვებაზეც ფიქრობენ, მაგრამ ფლორენტინო პერესს უფრო მაღალი დონის მარჯვენა მცველის შეძენა სურს.

კარვახალის რეგრესის ფონზე ანჩელოტის გუნდში განაპირა მცველის დამატების საჭიროება აშკარად დადგა. ოდრიოზოლა სათადარიგო სკამისთვის იდეალური ვარიანტი იქნებოდა, მაგრამ ფაქტია, რომ „რეალს“ ძირითადი შემადგენლობაში მარჯვენა მცველი სჭირდება, რომელიც კარვახალს ჩაანაცვლებს, გამოცდილი ესპანელი კი ეტაპობრივად გახდება სათადარიგო მოთამაშე.

მადრიდული გამოცემების ცნობით, „ბილბაო“ ინტერესს აძლიერებს და ფეხბურთელის სანაცვლოდ 25 მილიონი ევროს გადახდას გეგმავს.

იმ შემთხვევაში, თუ ფლორენტინო რის ჯეიმსის ან სხვა ფეხბურთელის დამატებას შეძლებს, ალვაროს გაყიდვა გარდაუვალი იქნება.