ესპანეთის პრიმერა დივიზიონი დასკვნით ფაზაში შედის.

სტუმრად „რეალ სოსიედადის“ დამარცხებით, „ბარსელონამ“ კვლავ 15 ქულიანი ჩამორჩენა აღადგინა „რეალთან.“ აღსანიშნავია, რომ რამდენიმე დღეში კატალონიელები „რაიო ვალეკანოს“ წინააღმდეგ გადადებულ პაექრობას ჩაატარებენ და დიდწილად, ამ შეხვედრის ანგარიშზეა დამოკიდებული ანჩელოტის შეგირდების გაჩემპიონების თარიღი.

თუ „კულეებმა“ გამარჯვების მოპოვება შეძლეს, მაშინ, „რეალს“ 4 ქულა დასჭირდება ტიტულის ასაწევად. კერძოდ, „თეთრებმა“ ჯერ „ესპანიოლი“ უნდა დაამარცხონ, ხოლო შემდეგ მადრიდულ დერბიში ყაიმიც ჰყოფნით. მაგრამ თუ „ბლაუგრანამ“ ქულები დაკარგა „ვალეკანოსთან,“ „ბლანკოსს“ მხოლოდ მათი თანაქალაქელების დამარცხებაც ხდის ჩემპიონს.

როგორც ხედავთ გამოიკვეთა 2 ვარიანტი - ან სამეფო კლუბი ჩემპიონის რანგში ესტუმრება „მეტროპოლიტანოს,“ სადაც „როხიბლანკოს“ მოთამაშეებისაგან საპატიო კორიდორს დაიმსახურებს, ან სწორედ „მოსისხლე მტრის“ საშინაო არენაზე შეეცდება ლა ლიგის 35-ედ მოგებას.

ალბათ, ორივე შემთხვევა განსაკუთრებული იქნება. თქვენ რომელს მიანიჭებდით უპირატესობას?