ლა ლიგამ 35 და 36-ე ტურების ჩატარების თარიღი და დრო გამოაქვეყნა.

როგორც ცნობილია, მადრიდული დერბი 8 მაისს, 23 საათზე (თბილისის დროით) აიღებს სტარტს. დიდი ალბათობით, თუ რაიმე გაუთვალისწინებელი არ მოხდა, აღნიშნული დაპირისპირება ფორმალური ხასიათის იქნება ანჩელოტის შეგირდებისათვის და წესით, ისინი უკვე ჩემპიონის რანგში ესტუმრებიან „მეტროპოლიტანოს,“ სადაც საპატიო კორიდო დახვდებათ.

რაც შეეხება 36-ე ტურს, „რეალი“ „სანტიაგო ბერნაბეუზე“ „ლევანტეს“ მიიღებს. ვალენსიელებთან ჯახი შუა კვირაში გაიმართება (12 მაისს, 23:30 სთ-ზე).