„ოსასუნასთან“ დაპირისპირება ფედე ვალვერდესთვის მე-100 გამოდგა პრიმერა დივიზიონის მასშტაბით. ამ ეტაპისათვის, ურუგვაელ ფეხბურთელს ესპანეთის ჩემპიონატის მხოლოდ 1 ოქროს მედალი აქვს, ხოლო მეორე კი გზაშია.

„ბედნიერი ვარ. პერსონალური მიღწევები მსოფლიოს საუკეთესო კლუბის მაისურით მეტად განსაკუთრებულია. ვცდილობ, მაქსიმალური სიამოვნები მივიღო თამაშებისა და ვარჯიშებისგან.“

„მინდა მადლობა გადავუხადო გულშემატკივრებს, რომლებიც მუდამ ჩვენს გვერდით არიან. აღნიშნული ფაქტორი ძალიან ნიშანდობლივია. ერთი ნაბიჯიღა გვაშორებს მიზნამდე. განვლილი პაექრობის პირველ ტაიმში გარკვეული შეცდომები გვქონდა, თუმცა შესვენების შემდეგ გამოვასწორეთ და კარგი ასპარეზობა შევთავაზეთ მეტოქეს.“

„თითოეული ფეხბურთელი შემადგენლობის მნიშვნელოვანი წევრია. მთავარია ვინც მოედანზე გამოვა შესანიშნავ კონდიციებში იყოს და საუკეთესოდ წარმოაჩინოს შესაძლებლობები. ახლა დავისვენებთ და ჩემპიონთა ლიგის ნახევარფინალური სტადიისათვის სათანადოთ მოვემზადებით.“

„ბენზემა გაცუდებული პენალტები? მსგავსი რაღაცები ხდება ფეხბურთში. კარიმი გამორჩეული მოთამაშეა, რომელიც სეზონის ბოლომდე კიდევ არა ერთხელ გამოიჩენს თავს.“