კარლო ანჩელოტიმ „ოსასუნასთან“ მოგებული მატჩი შეაჯამა.

„ფეხბურთელებმა სწორედ ის გააკეთეს მოედანზე, რასაც მათგან მოვითხოვდი. მეტად კმაყოფილი ვარ ბიჭების ასპარეზობით. ჩვენი შემდეგი გაჩერება ჩემპიონთა ლიგის ნახევარფინალია და რაც შეიძლება კარგად უნდა მოვემზადოთ მომდევნო პაექრობისთვის.“

„ახლა მხოლოდ ევროპის ყველაზე პრესტიჟულ საკლუბო ტურნირზე ვართ კონცენტრირებულნი. შემადგენლობა შესანისნავ კონდიციებშია. უკლებლივ ყველა მოთამაშე მოტივირებულია და თავს გასახდელის მნიშვნელოვან წევრად მიიჩნევს. სებალიოსმა დიდებული დაპირისპირება ჩაატარა. ის მართალია, როდესაც ამბობს, რომ მეტ სათამაშო დროს იმსახურებს.“

„ალაბას დაზიანება სერიოზული არ ჩანს. მან გარკვეული დისკომფორტი იგრძნო კუნთზე და რა თქმა უნდა, ჩვენ არ გავრისკეთ. ის ფეხბურთელები, რომლებიც 100 პროცენტით მზად არ იყვნენ, თამაშგარეში დარჩნენ.“

„კიდევ ერთი პენალტი რომ მოგვეპოვებინა, კვლავ ბენზემა შეასრულებდა მას. კარიმმა შესანიშნავად იასპარეზა, ის სასარგებლო იყო გუნდისთვის.“

„ფრანგს სრული მხარდაჭერა გამოვუცხადე და ვუთხარი, რომ მსგავსი რამ ფეხბურთი ხდება ხოლმე."

„განვლილი ორთაბრძოლა კამავინგასთვის გაკრვეულწილად გამოსაცდელიც იყო. მან საკმაოდ ადრე მიიღო ყვითელი ბარათი, თუმცა ყოველგვარი გართულებების გარეშე იბურთავა შემდეგ.“