დავიდ ალაბამ გერმანულ Bild-თან საინტერესო თემებზე ისაუბრა.

„ლევანდოვსკი „ბარსელონაში? რაც არ უნდა გადაწყვიტოს რობერტმა, დარწმუნებული ვარ, რომ ეს იქნება სწორი არჩევანი. მის წინააღმდეგ თამაში არცერთ მცველს არ სურს.“

„ვფიქრობ, არსებული მომენტისათვის ბენზემას ირგვლივ სადავო არაფერია. მას დიდებული სეზონი აქვს. კარიმი ყოველთვის მსოფლიო დონის მოთამაშე იყო, თუმცა გადაწყვიტა, ერთი ნაბიჯით წინ წასულიყო. ბედნიერნი ვარ, რომ ის ჩვენი შემადგენლობის წევრია. ჰეთ-თრიქი 1/8 და 1/4 ფინალებში ყველაფერზე მეტყველებს.“

„გვარდიოლასთან დიდი ხნის წინ მქონდა კონტაქტი და მოხარული ვარ, რომ კვლავ მექნება მასთან შეხვედრის საშუალება. „ბაიერნში“ შესანიშნავი დრო გვაქვს ერთად გატარებული, თუმცა ახლა დროა მისი დამარცხების.“

„ჩემთვის ერთ-ერთი ყველაზე კარგი მოგონებაა „ბარსელონას“ დამარცხება 8-2.“

„რაც შეეხება მწარე მოგონებას, ალბათ, 2012 წლის ჩემპიონთა ლიგის ნახევარფინალი და ფინალი. დისკვალიფიკაციის გამო „ჩელსის“ წინააღმდეგ ვერ ვიასპარეზე და ტრიბუნიდან ვუყურებდი თანაგუნდელების დამარცხებას.“