რაულ გონსალეს ბლანკოს სამწვრთნელო შესაძლებლობებით პრემიერ ლიგის კლუბი იყო დაინტერესებული.

გავრცელებული ინფორმაციით, მარსელო ბიელსას მუშაობით უკმაყოფილო „ლიდსის“ ხელმძღვანელობა, ახალი დამრიგებლის ძიების პროცესში, „რეალის“ ლეგენდარული კაპიტნის კანდიდატურასაც განიხილავდა. პრეზიდენტ ანდრეა რადრისანის სურვილი იყო, რომ თავისი გუნდის სადავეები რაულს აეღო ხელთ, თუმცა საბოლოოდ არჩევანი ხესე მარშიზე გაკეთდა.

„რეალის“ სხვადასხვა ასაკობრივ გუნდის წარმატებით გაწვრთნის შემდეგ, გონსალესი 2019/20 წლების სეზონიდან მოყოლებული „კასტილიას“ მოძღვრავს. რა თქმა უნდა, მის ოცნებას წარმოადგენს „ბლანკოსის“ მთავარი გუნდის მესაჭეობა.