დღეს, კარლო ანჩელოტის შეგირდები პამპლონას ესტუმრებიან, სადაც ადგილობრივ კლუბთან გამართავენ პრიმერა დივიზიონის 33-ე ტურის დაპირისპირებას.

„ოსასუნასთან“ გასვლითი პაექრობა ადვილად არ ითვლება ლა ლიგის კლუბებისათვის. მიმდინარე სეზონში სატურნირო ცხრილის ლიდერებიდან ვერც „სევილიამ“ შეძლო 1-ზე მეტი ქულის წამოღება და ვერც „ბარსელონამ.“

ბოლო წლების განმავლობაში „რეალს“ საკმაოდ პოზიტიური სტატისტიკა აქვს „წითლებთან.“ უკანასკნელი 15 დაპირისპირებიდან, 11 შემთხვევაში გამარჯვებულები მადრიდელები გამოვიდნენ, ხოლო 4-ჯერ ფრე დაფიქსირდა. მანამადე კი, 2011 წელს, „ოსასუნამ“ საკუთარ „ელ სადარზე“ მინიმალური ანგარიშით (1-0) დაამარცხა მოურინიოს გაწვრთნილი გუნდი. მაშინდელი შემადგენლობიდან, „ბლანკოსში“ მხოლოდ ბენზემაა შემორჩენილი.

2011/12 და 2019/20 წლების სეზონებში „თეთრებმა“ დიდი ანგარიშით ძლიეს მეტოქეს - შესაბამისად, 1-5 და 1-4.