ბრაზილიელი ფეხბურთელი საუკეთესო სეზონს ატარებს მადრიდული გრანდის რიგებში.

მიმდინარე სეზონში ვინისიუსი უკვე 17 შედეგიან დარტყმასა და 13 ასისტს მოითვლის (44 შეხვედრაში), თუმცა მისი პროდუქტიულობა მოედანზე ყოველგვარ ციფრებს აღემატება. ის, ფაქტობრივად, გუნდის ყველა საგოლე ეპიზოდში იღებს მონაწილეობას და მეტოქეებისათვის დიდი თავისტკივილია. მისით მეტად კმაყოფილია კარლო ანჩელოტი.

შვებულების დაწყების შემდეგ, სახმრეთ ამერიკელ შემტევს ახალ კონტრაქტს შეთავაზებენ „სანტიაგო ბერნაბეუს“ ოფისში. ჟურნალისტ მარკოს ბენიტოს ცნობით, კლუბისა და ფეხბურთელის წარმომადგენლებს შორის უკვე დაიწყო მოლაპარაკებები აღნიშნულ საკითხთან დაკავშირებით.

ცნობილია, რომ ვინის ყოველწლიური ანაზღაურება მნიშვნელოვნად გაიზრდება. ამასთანავე, განახლებული ხელშეკრულების თანახმად, პრაქტიკულად შეუძლებელი გახდება სხვა კლუბებისათვის მისი ტრანსფერის გამოსყიდვა.

„რეალში“ დიდ იმედებს ამყარებენ მოთამაშეზე, რომელმაც ბოლო პერიოდში უზარმაზარი პროგრესი განიცადა.