სამეფო კლუბის ფეხბურთელებმა „ოსასუნასთან“ მატჩისათვის მზადების პროცესი დაასრულეს.

განვლილი სესია გახურებით დაიწყო, შემდეგ კი შემადგენლობის წევრები მწვრთნელების მითითებების შესრულებას შეუდგნენ. ძირითადი აქცენტი ფიზიკურსა და ტაქტიკურ სავარჯიშოებზე გაკეთდა, ხოლო მიწურულს, მინი საფეხბურთო მატჩიც გაიმართა.

ედენ აზარი სარეაბილიტაციო პროცესს აგრძელებს. მარსელომ და მენდიმ განცალკევებით იმუშავეს მოედანზე, ხოლო კაზემირო და მარიანო დახურულს კარს მიღმა ირჯებოდნენ.

ხესუს ვალეხო კვლავ არ გამოჩენილა „ვალდებებასზე.“ ესპანელი მცველი კვლავ იზოლაციაშია.

„ოსასუნასა“ და „რეალის“ დაპირისპირება 20 აპრილს, 23 საათსა და 30 წუთზე (თბილისის დროით) აიღებს სტარტს.