მომავალ სატრანსფერო ფანჯარაზე კილიან მბაპესთან ერთად, ერლინგ ჰოლანდთან დაკავშირებული ამბებიც ყველაზე აქტუალური იქნება.

ცხადია, „რეალის“ მთავარ მიზანს ახალგაზრდა ფრანგის ესპანეთის დედაქალაქში გადაყვანა წარმოადგენს, თუმცა პრესაში პერიოდულად ჩნდება ინფორმაცია იმის შესახებაც, რომ „ბლანკოსი“ ნორვეგიელი ტალანტითაც არის დაინტერესებული.

ჟურნალისტ ხოსეპ პედრეროლის ცნობით, სამეფო კლუბის წარმომადგენლებს არასდროს უაწმოებიათ სერიოზული მოლაპარაკებები „ბორუსიას“ გოლეადორთან. პირველ რიგში, „თეთრები“ მზაობას არ გამოთქვამენ დააკმაყოფილონ მისი მოთხოვნა ანაზღაურებასთან დაკავშირებით, ხოლო ამას ემატება ფეხბურთელის ჯანმრთელობის მდგომარეობა. როგორც იცით, ჰოლანდი ხშირად სტუმრობს ლაზარეთს, რაც „რეალისთვის“ ცოტათი შემაშფოთებელია.

არსებული მომენტისათვის, ერლინგის ყველაზე რეალურ მსურველად „მანჩესტერ სიტი“ ითვლება. ისინი მოთამაშეს ყოველკვირეულად 500 ათასს ფუნტს ჰპირდებიან.