მადრიდის „რეალის“ ჩემპიონობა რომ მხოლოდ დროის საკითხია, ამაში ორი აზრი არ არსებობს.

პრიმერა დივიზიონის 33-ე ტურში მეტად საინტერესოდ განვითარდა მოვლენები. ანჩელოტის შეგირდებმა ურთულეს ბრძოლაში მოახერხეს ანდალუსიიდან 3 ქულის წამოღება, ხოლო „ბარსელონა“ კი, საკუთარ „აინტრახტ არენაზე“ „კადისთან“ დამარცხდა (0-1).

ამრიგად, სამეფო კლუბმა უახლოეს მდევართან შეინარჩუნა 15 ქულიანი ჰანდიკაპი (კატალონიელებს კიდევ 1 შეხვედრა დარჩათ რეზერვში) და ტიტულის ოფიციალურ გაფორმებამდე, დარჩენილ 6 ტურში მხოლოდ 7 ქულის აღება აშორებთ, თუმცა თუ გავითვალისწინებთ კონკურენტების კონდიციებს, შესაძლებელია, „სიბელესამდე“ გზა უფრო მარტივიც გამოდგეს.

მიმდინარე კვირაში „რეალი“ „ოსასუნას“ შეერკინება „ელ სადარზე,“ ხოლო „ბარსელონა“ „რეალ სოსიედადს“ „ანოეტაზე.“