მიგელ პარდესა ჟურნალისტებს შეხვდა და სამუდამოდ დაუსვა წერტილები იმ ჭორებს, რომ რიკარდო კაკა კარიერას ჩელსიში გააგრძელებდა...

"ბრაზილიელი ფეხბურთელის მადრიდის "რეალს" სჭირდება და იგი არსად წავა, ყველანაირი ინფორმაცია, რომელიც პრესაში ქვეყნდება, არ მიესადაგება სიმართლეს და სრული სიცრუეა. რიკი სულ მალე განაგრძობს ვარჯიშებს და მომავალ სეზონში გაცილებით უკეთ ითამაშებს ვიდრე წინაში."

"ჩვენ არანაირი შემოთავაზება არ მიგვიღია ლონდონური მხარის მხრიდან, თუმცა კაკა არ იყიდება და არცერთი შემოთავაზება არ განიხილება, რიკარდო ჩვენთან დარჩება კიდევ რამდენიმე წლის განმავლობაში."

"მთავარმა მწვრთნელმა, ჟოზე მოურინიომ განაცხადა, რომ კაკაზე დიდ იმედებს ამყარებს და მისი გუნდის მთავარი ფიგურა სწორედ ბრაზილიელი იქნება. ჩვენ უბრალოდ არ გვაქვს იმის უფლება, რომ მის მოსაზრებას შევიწინააღმდეგოდ და მუშაობაში ხელი შევუშალოთ, პორტუგალიელ სპეციალისტს ძალიან კარგად ესმის, თუ როგორ უნდა გამოიყენოს ეს ფეხბურთელი სათანადოდ."

"ცოტა ხანში გუნდი სრულად შეიკრიბება და დაიწყება სერიოზული მზადება მომავალი სეზონისთვის, ჩვენ დიდი გეგმები გვაქვს, აუცილებლად უნდა მოვიგოთ ჩემპიონთა ლიგა, რომელიც უკვე რამდენიმე წელია მადრიდში აღარ ითავსებს ადგილს."

"მოურინიო ამბიციური მწვრთნელია და პირველ რიგში სწორედ ამიტომ მოვიყვანეთ იგი "ბლანკოსში". დარწმუნებული ვარ იგი უდიდეს წარმატებებს მიაღწევს რეალთან ერთად და გაახარებს გულშემატკივრებს."