ახალგაზრდა როდრიგომ „სანჩეს პისხუანზე“ შეხვედრის შემოტრიალებაში ლომის წვლილი შეიტანა. ის მეორე ტაიმში ჩაერთო საქმეში და ჯერ თვითონ მოახერხა თავის გამოჩენა, ხოლო მატჩის მიწურულს, კარიმ ბენზემას გაატანინა გამარჯვების გოლი.

„წარმოუდგენელი გრძნობით ვბრუნდებით სახლში, ჩვენ ყოველთვის ბოლომდე ვიბრძვით. ვიცოდით, რომ რთული დაპირისპირება გველოდებოდა. აღფრთოვანებული ვარ მოედანზე შემოსვლით, გოლის გატანითა და შემდეგ ასისტის გაკეთებით. მიმდინარე სეზონში მხოლოდ „რეალმა“ მოახერხა აღნიშნულ სტადიონზე 3 ქულის აღება, რაც დიდად დასაფასებელია. ეს გამარჯვება კიდევ უფრო გვაახლოვებს ტიტულთან.“

„მწვრთნელმა გვითხრა, რომ თამაშისათვის მოგვემატებინა, ვინაიდან პირველი ტაიმის განმავლობაში მეტოქე ჩვენზე უკეთესად გამოიყურებოდა. ვფიქრობ, მსგავსი რაღაცები მხოლოდ „ბლანკოსს“ ძალუძს. ძალიან ვამაყობ, რომ ამ შემადგენლობისა და განვლილი „ქამბექების“ მონაწილე ვარ.“