კარლო ანჩელოტიმ „სევილიასთან“ დაპირისპირების წინ პრესკონფერენცია გამართა...

„ყველა თამაშისთვის საჭიროა, როგორც ფიზიკური, ასევე მენტალური მზადყოფნა. „ჩელსისთან“ მომქანცველი მატჩის შემდეგ საკმარისი დრო გვქონდა იმისათვის, რომ დაგვესვენება და სევილიური კლუბის შესახებ გვეფიქრა. გუნდი მზად არის, „სანჩეს პისხუანზე“ ვიზიტისთვის.“

„სამშაბათის შემდეგ რამდენიმე დღე გავიდა, ასე რომ გუნდი დაღლილი არ არის. გვჯერა საკუთარი შესაძლებლობების.“

„ლუკა მოდრიჩს კარიერის დასრულება „რეალში“ სურს და ვფიქრობ, ასეც მოხდება. ხორვატი საკუთარ თავზე ძალიან ბევრს ზრუნავს, რაც მოედანზე კარგად სჩანს. ასაკი მხოლოდ ციფრებია, ის მწვანე მინდორზე საოცრებებს სჩადის, მას ხშირად ვადარებ ხოლმე პაოლო მალდინის, რომელმაც 40 წლის ასაკში ჩემპიონთა ლიგის მოგება შეძლო. კონტრაქტის გახანგრძლივებასთან დაკავშირებით პრობლემა არც მოდრიჩს აქვს და არც კლუბს.“

„აზარმა ოპერაცია გაიკეთა და გამოჯანმრთელება სჭირდება. ამ ეტაპზე ბელგიელი შორს არის ოპტიმალური კონდიციისგან, თუმცა აღდგენითი პროცესი გეგმის მიხედვით მიმდინარეობს.“

„ანტონიო კასანოს განცხადებები? პასუხის გაცემას არ ვაპირებ, იტალიელს შესანიშნავად ვიცნობ.“

„ვინისიუს ტობიასი ბრწყინვალე შენაძენია. ყველა ვთანხმდებით, რომ მისი სახით მსოფლიო ფეხბურთს უდიდესი ტალანტი ეზრდება. შეთანხმება სულ ცოტა ხნის წინ იქნა მიღწეულია, ის საქმეს სერიოზულად მიუდგა და ბევრი რამ რეკორდულ დროში ისწავლა.“

„მენდი და მარსელო გამოგვაკლდნენ, ამ მხრივ კოლექტივში პრობლემებია, მაგრამ ვიცით, რომ ხარვეზების გამო აპელირება არ ღირს. ჩვენ იმ რესურსით უნდა გავიმარჯვოთ, რაც ამ ეტაპზე გვაქვს.“

„კროოსი ძალიან მაღალი დონის პროფესიონალია. გერმანელს პატივს ვცემ, როგორც ფეხბურთელს და ადამიანს. ეპიზოდი იქვე დასრულდა, ჩვენ ვისაუბრეთ და მომხდარი გავაანალიზეთ, აქედან გამომდინარე, შემიძლია გითხრათ, რომ თემა დახურულია.“

„მილიტაოს კარგად არ ვიცნობდი, თუმცა ის ყოველდღიურად ამტკიცებს, რა დონის ფეხბურთელია. ბრაზილიელი საოცარ ფიზიკას ფლობს, ძალიან სწრაფია და სწორედ ამის ხარჯზე აღწევს წარმატებას, ის დღესდღეობით ჩვენი გუნდის დაცვის უდავო ლიდერია. არსებობს ასპექტები, რომლის გაუმჯობესებაც შესაძლებელია, სწორედ ამიტომ ედერი არ ჩერდება და მუშაობს.“

„მთავარი ის არის, რომ ქულების დაგროვება გავაგრძელოთ და საბოლოო ჯამში ჩემპიონის ტიტულს დავეუფლოთ. „სევილია“ ურთულესი მეტოქე იქნება, თუმცა ჩვენ მხოლოდ გამარჯვება დაგვაკმაყოფილებს.“

„სტილი? მე ვფიქრობ, რომ გუნდი კარგად მაშინ თამაშობს, როდესაც შეტევის და დაცვის ფაზა მოწოდების სიმაღლეზე დგას. სრულყოფილი ფეხბურთი ყოველთვის მაშინ ხდება, როდესაც ყველა რგოლი თავის ფუნქციას ასრულებს. ფეხბურთში რა თქმა უნდა არსებობს განსხვავებული ხედვები.“

„ედუარდო კამავინგას პროგრესი აშკარა და თვალნათლივია, მაგრამ საოცარი მატჩები ჩაატარა, როგორც „პსჟ“-სთან, ასევე „ჩელსისთან“. ჩვენ მასზე დიდ იმედებს ვამყარებთ და გვჯერა, რომ სასურველი შედეგი მიღწევადია. ფრანგი მუშაობს, გამოცდილებას აგროვებს და უფრო სრულყოფილი მოთამაშე ხდება.“

„„რეალს“ აქვს საკმაოდ კარგი სეზონი, გუნდი ლა ლიგის ლიდერია და ჩემპიონთა ლიგის 1/2 ფინალის საგზურიც მოიპოვა. ყველაფერს პოზიტიურად ვაფასებ და ვთვლი, რომ მასშტაბურ სამუშაოს შედეგები ნამდვილად აქვს.“

„ბენზემას საოცარი გამოსვლა კოლექტივს უფრო მრავალფეროვანს და შედეგიანს ხდის, ფრანგს ნამდვილად დიდი სეზონი აქვს.“