ლუკას ოკამპოსმა მადრიდის „რეალთან“ დაპირისპირების წინ საინტერესო ინტერვიუ ჩაწერა...

„ეს იქნება ძალიან კარგი თამაში, რომელსაც ანდალუსიელი ქომაგები განსაკუთრებით ელოდებიან. ვიცით, რომ უდიდესი გუნდის წინააღმდეგ უნდა ვიასპარეზოთ, თუმცა „სევილიას“ „ბლანკოსი“ არაერთხელ დაუმარცხებია. ჩვენ ვიცით, რომ აქტივში 3 ქულის ჩაწერა შესაძლებელია. ჩვენ პატივს ვცემთ „რეალის“ უდიდეს ისტორიას, ტრადიციას და შესაძლებლობებს, თუმცა გვჯერა წარმატების.“

„ბენზემას მიმართ განსაკუთრებული ყურადღების გამოჩენა გვმართებს. ის სეზონის საუკეთესო მომენტშია და მოედანს გოლის გარეშე ფაქტობრივად არ ტოვებს. „9“-იანის წინააღმდეგ სერიოზული ყურადღების გამოჩენა გვმართებს. ასევე ძალიან სახიფათოა ვინისიუს ჟუნიორი, რომელიც „ბლანკოსს“ აბსოლუტურად გამოუცდელი შეუერთდა, თუმცა თავდაჯერებულობა და დიდი საფეხბურთო ინტელექტი მიიღო.“

„მოდრიჩი? ის ყველაზე საშიში ფეხბურთელია. ყველა ბედნიერი უნდა იყოს, ვინც ლუკასთან ერთად თამაშობს, რადგან საქმე ეპოქალურ ფეხბურთელთან გვაქვს. ის, რაც ხორვატმა „ჩელსისთან“ გააკეთა, წარმოუდგენელი იყო.“