არგენტინელმა ნახევარმცველმა შესაძლებელია ევროპაში განაგრძოს კარიერა.

TyC Sports-ის ჟურნალისტის სესარ ლუის მერლოს ინფორმაციით, „რეალი“ და „მანჩესტერ იუნაიტედი“ უკვე აწარმოებენ მოლაპარაკებებს „რივერ პლეიტის“ 21 წლის მოთამაშესთან, თუმცა ჯერ-ჯერობით უშედეგოდ. ენცო ფერნანდესი ცენტრალური ნახევარმცველია და საკმაოდ წარმატებით ასპარეზობს სამხრეთ ამერიკაში. მან მიმდინარე სეზონში 5 შეხვედრაში მიიღო მონაწილეობა და 3 გოლიც ჩაიწერა აქტივში.

ფერნანდესის სატრანსფერი ფასი 20 მლნ. ევროს შეადგენს, თუმცა მომდევნო თვეების განმავლობაში კიდევ 5 მილიონით გაიზრდება.