კაპელო „რეალზე:“ „ახლა ეს უკვე შესაძლებელია“
„რეალის“ ყოფილმა დამრიგებელმა ფაბიო კაპელომ ბოლოდროინდელ მოვლენებზე ისაუბრა.
„რაც შეეხება განვლილ დაპირისპირებას, შესაძლებელია დიდი პერიოდის განმავლობაში ემზადებოდა კონკრეტული თამაშისათვის, მაგრამ მცირე შეცდომაც კი ყველაფერს აუფერულებს. ზოგჯერ მეკარე გევლინება მხსნელად, როგორც კურტუა „ჩელსის“ წინააღმდეგ.“
„ვფიქრობ, ორივე გუნდი სათანადოდ იყო მომზადებული. შემდეგ ანჩელოტიმ ნაყოფიერი ცვლილებები განახორციელა, რამაც შემადგენლობას სიხალათე და ხარისხი შემატა. როგორი გეგმაც არ უნდა დასახო წინასწარ, მსგავსი ტიპის პაექრობებში არაფერია გამორიცხული.“
„ჩემი აზრით, სრულიად შესაძლებელია, რომ „ბლანკოსი“ ტურნირის ჩემპიონის რანგში ვიხილოთ. მათ კარგად იციან საკუთარი შემადგენლობის სიძლიერე და პოტენციალი. ანჩელოტი ინდივიდუალურობას სძენს ფეხბურთელებს. ამასთანავე, მათ რიგებში ირიცხება არაჩვეულებრივი ფორვარდი კარიმ ბენზემას სახით.“
„სეზონის განმავლობაში „რეალს“ ფავორიტად არ მივიჩნევდი, მაგრამ ახლა საპირისპირო შემიძლია ვთქვა.“
- 14 აპრილი 2022
- 2 104
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
