„მანჩესტერ სიტიმ“ საკმაოდ მძიმე ბრძოლა გადაიტანა მადრიდში „ატლეტიკოს“ წინააღმდეგ.

აღნიშნული დაპირისპირების შემდეგ, პეპ გვარდიოლა გარკვეული საკადრო პრობლემების წინაშე აღმოჩნდა. როგორც ცნობილია, „რეალთან“ „ეტიჰედზე“ გასამართ შეხვედრას (26 ან 27 აპრილი) გამოტოვებს მარცხენა მცველი ჟოაო კანსელო. ამ უკანასკნელმა „როხიბლანკოსთან“ მატჩის მიწურულს ყვითელი ბარათი მიიღო და დისკვალიფიცირებულია.

პარალელურად, კითხვის ნიშნის ქვეშ დგას კევინ დე ბრუინისა და კაილ უოკერის თამაშიც, რომლებმაც მიღებული ტრავმების გამო განვლილი ორთაბრძოლის ბოლომდე დასრულება ვერ მოახერხეს. ბელგიელი ნახევარმცველი 65-ე წუთზე შეცვალეს, ხოლო ბრიტანელი 72-ე წუთზე.