სამწუხაროდ, მედიკოსებმა „რეალის“ ყოფილი ფეხბურთელის გადარჩენა ვერ შეძლეს.

11 აპრილს მომხდარი საშინელი ავტოავარიის შემდეგ, ფრედი რინკონს კოლუმბიის ერთ-ერთ საავადმყოფოში მკურნალობდნენ. გავრცელებული ინფორმაციით, მისი ჯანმრთელობის მდგომარეობა თავიდანვე ძალიან კრიტიკული იყო და შესაბამისად, 56 წლის ვეტერანი მოთამაშე გარდაიცვალა.

რინკონი 2 წლის განმავლობაში გამოდიოდა სამეფო კლუბში და საერთო ჯამში 31 შეხვედრაში მიიღო მონაწილეობა.

ქართველი მადრიდისტების სახელით, ვუსამძიმრებთ მის ოჯახს და გამძლეობას ვუსურვებთ ამ მძიმე წუთებში.