„ჩელსი“ ესპანეთის დედაქალაქს ჩ/ლიგის მოქმედი გამარჯვებულის ამპლუაში სტუმრობდა, თუმცა მადრიდელებმა ეს არ შეიმჩნიეს და ნახევარფინალის საგზურიც სწორედ ანჩელოტის შეგირდებს ხვდათ წილად.

„რეალმა“ სხვადასხვა სეზონების განმავლობაში 9-ჯერ მოახერხა მოქმედი ჩემპიონის ტურნირიდან გამოთიშვა. ამიერიდან, ლონდონელები ევროპის სხვა გრანდებთან ერთად „თეთრების“ მსხვერპლთა რიგებში საპატიო ადგილს დაიკავებენ. აქამდე, „ბლანკოსმა“ „მილანის“ (1964 წ.), „ინტერის“ (1966), „პორტუს“ (1987), „პსვ“-ს (1989), „ბორუსიას“ (1998), „მანჩესტერ იუნაიტედისა“ (2000) და ორჯერ „ბაიერნის“ (2002 და 2014) სტატუსი არაფრად ჩააგდო.

ამასთანავე აღსანიშნავია, რომ უკანასკნელი 12 წლის განმავლობაში, „რეალმა“ მეათედ მოახერხა ნახევარფინალში ასპარეზობის უფლების მოპოვება, ხოლო 4-ჯერ ტიტულის აღმართვა.