მადრიდის „რეალი“ ყველაზე პრესტიჟული საკლუბო ტურნირის ნახევარფინალში იასპარეზებს და ამაში ლომის წვლილი მიუძღვის როდრიგოს. ახალგაზრდა შემტევმა მოედანზე შემოსვლიდან 2 წუთში შეძლო ზუსტი დარტყმის განხორციელება მენდის კარის მიმართულებით, რამაც გარდატეხა შეიტანა მატჩის მიმდინარეობაში.

„ლუკას ასისტი იყო ძალიან შთამბეჭდავი. ის ყოველთვის მეუბნება, რომ მოვძებნო თავისუფალი სივრცე, რათა პასით მომამარაგოს. დიდებულად განვითარდა მოვლენები. ჩემი გოლით დიდი დახმარება გავუწიო გუნდს და ეს ფაქტი ძალიან მაბედნიერებს. წინასწარ ვიცოდით, რომ რთული დაპირისპირება გველოდება, მაგრამ ურთულესი გამოდგა.“

„სანამ პაექრობაში ჩავერთვებოდი, მწვრთნელმა ჩემგან ის მოითხოვა, რასაც ყოველთვის მთხოვს. ბოლო პერიოდის განმავლობაში რამდენიმე კარგი მატჩი მქონდა, თუმცა გატანილი გოლის გარეშე. განვლილ ჯახში კი ჩემმა გასროლამ გადამწყვეტი როლი ითამაშა. ანჩელოტი მოგვიწოდებდა, რომ თუ სიმშვიდეს შევინარჩუნებდით, აუცილებლად მივაღწევდით მიზანს. ყველანი გახარებულნი ვართ.“

„ყველაზე ნიშანდობლივია გუნდის ბრძოლა ბოლო წუთამდე. შეხვედრის არცერთ მონაკვეთში არ დავნებებულვართ, რასაც ჩემი გოლი მოჰყვა და ამან ბიძგი მოგვცა. მოედანზე საუბრები ჩვეულებრივი მოვლენაა, მაგრამ ეს ყველას არ სჭირდება. ჩვენი მოვალეობაა, რომ ერთმანეთის სულისკვეთება ავამაღლოთ.“

„გულშემატკივრების მხარდაჭერა ძალიან მნიშვნელოვანი იყო. ჩვენ ვაპირებთ ჩემპიონთა ლიგისა და ლა ლიგის მოგებას.“