ბრაზილიელი „რეალის“ ერთ-ერთი ყველაზე სასარგებლო ფეხბურთელია ევროპის ყველაზე პრესტიჟულ საკლუბო ტურნირზე.

მიმდინარე გათამაშებაში ვინისიუსმა 9 შეხვედრაში მიიღო მონაწილეობა. მის ანგარიშზეა 2 შედეგიანი დარტყმა და 5 ასისტი. აღსანიშნავია, რომ ხუთივე შემთხვევაში ახალგაზრდა შემტევმა ბენზემას გაატანინა. ამასთანავე, მან ერთხელ მოიპოვა პენალტი, რომელიც ასევე კარიმმა გარდასახა გოლად.

საერთო ჯამში ვინიმ 15 საგოლე შანსი შექმნა, რაც ტურნირის განმავლობაში საუკეთესო მაჩვენებელია. მის აქტივშია 153 პასიც, საიდანაც 117 გამოდგა წარმატებული და 177 აჩქარება (საშუალოდ 13 მატჩის განმავლობაში). სამხრეთ ამერიკელის დრიბლინგის ეფექტურობის მაჩვენებლი კი 46,3 პროცენტს შეადგენს.

ვინისიუსი დიდებულად გამოიყურებოდა პარიზელებთან „სანტიაგო ბერნაბეუზე“ გამართულ პაექრობაში და მისი მომდევნო მსხვერპლი „ჩელსი“ უნდა გახდეს.