გამომდინარე იქედან, რომ ედერ მილიტაო დისკვალიფიცრებულია, ხოლო ხესუს ვალეხო კოვიდინფიცირებული, კარლო ანჩელოტიმ დახმარებისათვის რაულის „კასტილიას“ მიმართა.

იტალიელმა მწვრთნელმა „ჩელსისთან“ განმეორებითი პაექრობის განაცხადში შეიყვანა 19 წლის ცენტრალური მცველი, რომელიც წარმატებით ასპრეზობს, როგორც „რეალის“ მეორე გუნდში, ასევე შესაბამის ასაკობრივ ნაკრებებში.

რაფა მარინი რაულის შემადგენლობას ერთ-ერთი ლიდერია. მან ბოლო პერიოდის განმავლობაში დამრიგებლის დიდი ნდობა მოიპოვა. მიუხედავად სიმაღლისა (1მ. 91 სმ.), ანდალუსიელი მოთამაშე საკმაოდ მობილურია და ამასთანავე, საფეხბურთო ინტელექტით გამოირჩევა.

აღსანიშნავია, რომ ბავშვობიდან რაფა გატაცებული იყო მოტო სპორტით და რომ არა დედის ძალისხმევა, მისი კარიერა ბურთთან ნამდვილად არ იქნებოდა დაკავშირებული. ის 2016 წლიდან ასპარეზობს „რეალში.“

ახალგაზრდა ფეხბურთელისადმი დიდ ინტერესს გამოხატავს გერმანული „ლაიპციგი.“