ემილიო ბუტრაგენიოს განცხადებით, „რეალი“ ჩემპიონობასთან ახლოს არის, მაგრამ ყურადღების მოდუნება არ შეიძლება...

„თამაშს ვაკონტროლებდით და დამსახურებული 3 ქულა ჩავიწერეთ აქტივში. ამ მოგებით თვითრწმენა კიდევ უფრო შეგვემატა და ვიცით, რომ ლა ლიგის მოგებასთან ახლოს ვართ.“

„ვიცოდით რა გვსურდა და ორგანიზებული ფეხბურთი ვითამაშეთ. „ხეტაფეს“ პირველივე წუთებიდან ეტყობოდა, რომ დაცვით ფეხბურთს ითამაშებდა. საბედნიეროდ, 2 გოლის გატანა და გამარჯვების დაფიქსირება შევძელით.“

„„ბარსელონა“ ახალ ეტაპზე გადადის. ფაქტია, რომ ამ გუნდში ბევრი რამ შეიცვალა, რაც სატურნირო ცხრილზეც შესაბამისად აისახა. სწორედ ამიტომ პროგრესის ჩვენება ჩვენც გვმართებს. კონკურენცია ძალიან დიდია.“

„ვინისიუსი ბრწყინვალე იყო და საგოლე გადაცემაც ჩაიწერა აქტივში. ბრაზილიელი სწრაფად უტევს და ცდილობს მეტოქეებს სიტუაციის გაკონტროლების საშუალება არ მისცემს. ძალიან მომეწონა მარსელოს მრავალმხრივი თამაშიც.“

„ვალვერდემ და კამავინგამ ნახევარდაცვა ძალიან სწრაფი გახადეს, ისინი მოედნის ყველა წერტილში ჩანდნენ.“

„ვასკესი მარჯვენა მცველია ამპლუაში მოგვევლინა, მაგრამ გოლის გატანაც შეძლო, ის ძალიან მობილური და ნაყოფიერი მოთამაშეა.“

„სეზონის გადამწყვეტ ეტაპზე ვართ, სადაც ყველა ფეხბურთელის კარგ გამოსვლას დიდი მნიშვნელობა აქვს. ვფიქრობ, ქომაგების მხრიდან წამოსული სტვენა, რომლის ადრესატიც გარეთ ბეილია, სამართლიანი არ არის. უელსელი მოთამაშის კლასი და გამოცდილება ხშირ შემთხვევაში ფასდაუდებელია.“

„ლონდონის „ჩელსისთან“ მნიშვნელოვანი მატჩის ჩატარება გვმართებს. დიახ, ჩვენ გავიმარჯვეთ „სტემფორდ ბრიჯზე“, მაგრამ ამით არაფერი დასრულებულა. მეორე 90 წუთი წინ არის, სადაც მაქსიმალური ყურადღება, სიზუსტე და შემართება გვმართებს. ჩვენ ახლოს ვართ 1/2 ფინალთან, მაგრამ გარანტირებული არაფერია.“