კარლო ანჩელოტის გადაწყვეტილებით გუნდი არ ისვენებს. გამომდინარე იქედან, რომ „რეალს“ „ჩელსისთან“ დაპირისპირება 12 აპრილს აქვს ჩანიშნული, გუნდს მოსამზადებლად მხოლოდ 2 დღე ექნება...

კოლექტივი საწვრთნელ ბაზაზე უკვე შეიკრიბა და მორიგი სესია გამართა, რომელიც მეტწილად აღდგენითი ხასიათის იყო.

„ხეტაფესთან“ სასტარტო შემადგენლობაში მყოფი ფეხბურთელები შედარებით ნაკლებად დაიტვირთნენ, ხოლო დანარჩენებმა მთავარი მწვრთნელის დავალებები სრულფასოვნად შეასრულეს.

ვარჯიშზე დიდი ყურადღება დაეთმო ფიზიკურ კონდიციებს, პრესინგს, ტაქტიკურ მონახაზებს, ბურთის ფლობას და მოკლე სივრცეში ზუსტ თამაშს.

ხვალ „მერენგები“ ბაზაზე კიდევ ერთხელ შეიკრიბებიან და ფინალურ სესიას გამართავენ.