მარსელო ვიეირამ „ხეტაფესთან“ დაპირისპირება შეაფასა...

„სამეფო კლუბმა საკმაოდ რთული თამაში მოიგო. მარტივი არც პირველი ტაიმი ყოფილა და არც მეორე. ბევრი ვირბინეთ და ვიშრომეთ იმისათვის, რომ სასურველი შედეგი დაგვეფიქსირებინა. მოპოვებულმა სამმა ქულამ ჩემპიონობასთან კიდევ უფრო დაგვაახლოვა, მაგრამ გამოცდილები ვართ და ვიცით, რომ ყურადღების მოდუნება არ შეიძლება.“

„სასიამოვნო იყო მოედანზე იმ ფეხბურთელთა ნახვა, რომლებსაც მუდმივი სათამაშო დრო არ აქვთ. არაერთმა დაამტკიცა, რომ სასტარტოს იმსახურებს. ჩვენ დინამიური, სწრაფი და გამართული ფეხბურთი ვითამაშეთ, რაც „ჩელსისთან“ საკმაოდ დამღლელი დაპირისპირების შემდეგ მარტივი არ იყო. ანჩელოტის განკარგულებაში ბევრი ფეხბურთელია, ამიტომ საუკეთესო სასტარტო შემადგენლობის ფორმირება მარტივი არ არის.“

„ბერნაბეუზე თამაში ჩემთვის ყოველთვის ემოციურია, აქ საოცარ სიამოვნებს ვიღებ. მადლობა მთავარ მწვრთნელს ნდობისთვის.“

„ჩემი მომავალი გარკვეულია, კარლიტოს ამ საკითხზე უკვე ვესაუბრე.“

„კაზემირომ დიდი დახმარება გაგვიწია. ჩემი თანამემამულე მეტწილად დაცვითი ფუნქციების შესრულებით არის დაკავებული, მაგრამ ხშირ შემთხვევაში გოლების გატანასაც ახერხებს.“

„„ხეტაფე“ დაცვაში ძალიან ძლიერია. ფაქტია, რომ ეს გუნდი მჭიდრო ფეხბურთს გვთავაზობს. ამ შემთხვევაში საჭიროა მოთმინება და გეგმაზომიერი თამაში.“

„ბერნაბეუზე ჩემს შვილთან ერთად ვიყავი. ქომაგებს დიდი მადლობა, რომლებიც ჩემს სახელს მღეროდნენ. თავს დაფასებულ ადამიანად ვგრძნობ.“