ანჩელოტი: „ის იმსახურებს ღირსეულ წასვლას“
„ხეტაფესთან“ დაპირისპირებამდე კარლო ანჩელოტი პრესკონფერენცია გამართა.
„ჩ/ლიგაზე ჩატარებული მატჩის შემდეგ, ძალების აღდგენა სრულად არ მოგვიხდენია, თუმცა კიდევ 1 დღე გვაქვს რეზერვში, რათა მაქსიმალურად მომზადებულნი დავუპირისპირდეთ მომავალ მეტოქეს. პრიმერა დივიზიონის კონტექტსში საკმაოდ მნიშვნელოვანი პაექრობის გამართვა მოგვიწევს და აუცილებლად გვმართებს სასურველი ანგარიშის დაფიქსირება. საჭიროა გამარჯვების სერიის გაგრძელება.“
„ბენზემას მხრებზე საკმაოდ დიდი საფეხბურთო კარიერაა და ის დღემდე განაგრძობს განვითარებას. მან მნიშვნელოვნად გაიუმჯობესა ხასიათი და ლიდერუთი თვისებები, როგორც მოედანზე, ასევე მის გარეთ. კარიმი ყოველთვის კარგი ფეხბურთელი იყო, თუმცა ახლა მეტად გამორჩეულია.“
„მენდის ტრავმა არ აწუხებს, უბრალოდ გადაღლილია. განვლილ სესიაზე მას სრული დატვირთვა არ მიუღია, ძირითადი სავარჯიშოები სატრენაჟორო დარბაზსა და წყალში შეასრულა. დავაკვირდებით და ვნახავთ, შეძლებს თუ არა ფრანგი მონაწილეობის მიღებას ხვალინდელ მატჩში. აზარი ინდივიდუალური პროგრამით ირჯება, ხოლო სხვა მოთამაშეები მწყობრში არიან.“
„სებალიოსს არ ეძლევა სათანადო დრო მოედანზე, თუმცა ვარჯიშებიდან გამომდინარე, დანი იმსახურებს მეტს. მის მიმართ დიდი ნდობა მაქვს, ვინაიდან საქმე ეხება თავდადებულ პროფესიონალს. მომავალ შეხვედრებში აუცილებლად მიეცემა თავის გამოჩენის საშუალება.“
„არ ვუსმენ რას საუბრობენ სხვები, არამედ ვარჯიშებზე დაფიქსირებული მონაცემებით ვხელმძღვანელობ. შემადგენლობა კარგ ფიზიკურ კონდიციებში იმყოფება და ასე გაგრძელდება სეზონის დასრულებამდე. სამედიცინო შტაბი საუცხოო სამუშაოს ასრულებს.“
„რთულია სხვადასხვა ეპოქის ფეხბურთელების შედარება. ისტორიის განმავლობაში არა ერთი დიდებული თავდამსხმელი გვახსოვს. თუ ჩვენ ბენზემასა და ვან ბასტეს შორის გავალებთ პარალელს, ვფიქრობ, ორივე მოხარული დარჩება.“
„ჩემს სამუშაოს ქულით ვერ შევაფასებ, მხოლოდ იმას ვიტყვი, რომ ყოველთვის ვცდილობ საუკეთესოდ გავართვა თავი დაკისრებულ მოვალეობებს. კლუბი ყოველთვის დიდ მოტივაციას მაძლევს. დაველოდოთ სეზონის დასასრულს, თუ რა შედეგის დადებას მოვახერხებთ.“
„ბეილის სათამაშო ფორმა შესანიშნავია. მან ეს უესლსის ნაკრებში გამოსვლისას დაამტკიცა და იგივე გაკეთება სურს კლუბშიც. ის მზად არის სათამაშოდ. გარეთი თავდაჯერებულია და მაქსიმალურად ეცდება მადრიდული კარიერა ამაღლებულ განწყობაზე დაასრულოს, ის ამას იმსახურებს. მიუხედავად ბოლო პერიოდის სირთულეებისა, ბეილი კლუბის ისტორიის ნაწილია თავისი გოლებით, თამაშებითა და ტიტულებით.“
„ბენზემას ასაკისა და იმის გათვალისწინებით, რომ ყოველდღიურად პროგრესს განიცდის, ვინც არ უნდა გახდეს მისი თანაგუნდელი, ამით არაფერი შეიცვლება. კარიმი აქ იქნება ყოველთვის, თანაგუნდელების წინ, ვინიდან ერთ-ერთი ყველაზე მნიშვნელოვანი წევრია შემადგენლობის.“
- 8 აპრილი 2022
- 4 502
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
