ინგლისელებთან განმეორებითი დაპირისპირების წინ, კარლო ანჩელოტის თავსატეხი გაუჩნდა.

„სტემფორდ ბრიჯზე“ გამართული პაექრობის დებიუტში (მე-13 წუთზე), ედერ მილიტაომ კაი ჰავერცთან დუელის დროს თამაშის წესები დაარღვია, რის გამოც მსაჯისგან ყვითელი ბარათი მიიღო, რაც მისთვის მე-3 გამოდგა მიმდინარე ჩემპიონთა ლიგაზე და შესაბამისად, მომდევნო თამაშის გამოტოვება მოუწევს.

ამასთანავე აღსანიშნავია, რომ ბრაზილიელმა მცველმა ვერც განვლილი ჯახის ბოლომდე დასრულება შეძლო. გარკვეული დაზიანების მიღების შემდეგ, მუხლი აიტკივა და 63-ე წუთზე ნაჩო ჩაერთო საქმეში. ანჩელოტის განცხადებით, სერიოზულ ტრავმასთან არ არის საქმე.

დიდი ალბათობით, „სანტიაგო ბერნაბეუზე“ სწორედ ფერნანდესისა და ალაბას წყვილს ვიხილავთ კურტუას წინ.