კურტუა:„„ჩელსისთან“ ჩვენი მიზანი მხოლოდ მოგება იქნება“
ტიბო კურტუამ „ჩელსისთან“ დაპირისპირების წინ ჟურნალისტებთან შეხვედრა და პრესკონფერენცია გამართა, სადაც საკმაოდ ბევრ საკითხს შეეხო...
„ზუსტად ვიცით, რა დევს სასწორზე და ისიც ვიცით, რომ შარშანდელი სიტუაცია განსხვავებული იყო. „რეალის“ მიზანი „ჩელსის“ დამარცხება და ჩემპიონთა ლიგის მომდევნო ეტაპზე გასვლაა. ამისთვის ყველაფერს გავაკეთებთ.“
„4 წლის განმავლობაში ვიცავდი ლონდონური გრანდის ღირსებას. აქაურობას კარგად ვიცნობ და „ჩელსი“ მიყვარს.“
„მე ვენდობი გუნდს და „რეალის“ ყველა ფეხბურთელს. ვიცით, რომ კრიტიკა ბუნებრივია მოვლენაა და ჩვენზე დიდი ზეწოლა მოდის, თუმცა ბრძოლისთვის მზად ვართ. უდიდესი ბარიერების გადალახვა მოგვიწია და გამოწვევებისთვის მზად ვართ.“
„თანამედროვე ფეხბურთში მეკარის ჩართულობა ძალიან მნიშვნელოვანია არამხოლოდ ბურთების მოგერიების, არამედ თამაშში შესვლისა და ფეხით თამაშის დროსაც. მიხარია, რომ გუნდისთვის სასარგებლო ფიგურად ჩამოვყალიბდი.“
„კარლოსთან ვიდეო ზარი გვქონდა და დამატებითი დირექტივები მივიღეთ. დავიდემ ნაყოფიერი სესიები გამართა და გუნდი 100%-ით მოამზადა. არ ვიცი, დაესწრება თუ არა მთავარი მწვრთნელი ხვალინდელ მატჩს.“
„საპასუხო დაპირისპირება ბერნაბეუზე ტარდება, რაც დამატებით შანსს მოგვცემს, ეს ჩვენი მცირე უპირატესობა იქნება.“
„კარიერის საუკეთესო მომენტში ვარ. მსურს, რომ ბევრი „სეივი“ გავაკეთო და გუნდს გამოვადგე.“
„ვიგოში საკმაოდ რთული მატჩი ჩავატარეთ, მაგრამ ლონდონში უფრო მრავალფეროვანი ფეხბურთის თამაშს ვგეგმავთ. ჩვენ ვიცით, რომ არსებობს მატჩები, სადაც მცირე გამართლებაც არის საჭირო, თუმცა ამას ვერ ვიტყვი „ბალაიდოსზე“, ის ყველა პენალტი სწორად დაინიშნა.“
„გამოცდილი ფეხბურთელები მწვრთნელთან ყოველთვის მართავენ კონსულტაციებს. ვთვლი, რომ ეს საკმაოდ მნიშვნელოვანი კომპონენტია.“
„აზარს გამოჯანმრთელებას ვუსურვებ. ჩემი თანამემამულე ძალიან დიდ ნიჭს და საფეხბურთო ინტელექტს ფლობს. მჯერა, რომ დაბრუნდება და გუნდს მნიშვნელოვან მატჩებში დაეხმარება. დარწმუნებული ვარ, ედენი ბელგიის ნაკრებში წარმატებას მიაღწევს და მსოფლიო ჩემპიონატს მოწოდების სიმაღლეზე შეხვდება.“
„საუკეთესო მეკარეობა? ესპანელებმა შესაძლოა თქვან დიახ, ინგლისელებმა არა. აქ აზრთა სხვადასხვაობაა, თუმცა მე კოლექტიური ჯილდოები უფრო მიზიდავს.“
„სტუმრად გატანილი გოლის წესის ცვლილება? ვფიქრობ, ეს გადაწყვეტილება სწორია.“
„კარიმ ბენზემას ჩვენთან ერთად ყოფნა ძალიან მნიშვნელოვანია, რადგან მის გარეშე ჩემპიონთა ლიგის მოგება წარმოუდგენლად მიმაჩნია.“
- 5 აპრილი 2022
- 1 409
- 14
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
