ტომას ტუხელმა „რეალთან“ დაპირისპირების წინ პრესკონფერენცია გამართა...

„პირველ რიგში მსურს, დიდი მხარდაჭერა გამოვუცხადე კარლო ანჩელოტის. მჯერა, რომ იტალიელი სპეციალისტი ხვალ დღის მეორე ნახევარში ლონდონში ჩამოფრენას და გუნდის გაძღოლას შეძლებს. ყოველთვის უკეთესია მთავარი მწვრთნელი კოლექტივთან ერთად იყოს.“

„ბენზემა უდავოდ დიდი ფეხბურთელია და დღესდღეობით „რეალის“ მთავარ დამრტყმელ ძალად ითვლება, თუმცა როდესაც მისი თანაგუნდელები კაზემირო, მოდრიჩი, კროოსი და სხვა ვარსკვლავები არიან, ძალიან რთულია ვინმეზე გამორჩევით საუბარი.“

„გასულ სეზონსი მიღწეული წარმატება აბსოლუტურად არაფერს ცვლის. ჩვენ გვსურს, რომ ყველაფერი ნულიდან დავიწყოთ და მაქსიმუმი გავიღოთ იმისათვის, რომ ჩემპიონთა ლიგის 1/2 ფინალში მოვხვდეთ.“

„ზინედინ ზიდანის ეპოქაში „რეალმა“ ევროსარბიელზე ზედიზედ 3-ჯერ დააფიქსირა გამარჯვება, რაც ფაქტობრივად წარმოუდგენელი იყო. დღევანდელ „ბლანკოსში“ იმ ეპოქის არაერთი ფეხბურთელი ირიცხება, ისინი გადამწყვეტ როლს თამაშობენ, ამიტომ ყურადღებით თამაში და მოტივირებულობა გვმართებს.“