ფრანგული გამოცემები აქტიურად იუწყებიან, რომ კილიან მბაპე „პსჟ“-სთან 2 წლიანი კონტრაქტის გაფორმებასთან ახლოს არის, რომლის ჯამური ღირებულება მართლაც ასტრონომიულია...

კონტრაქტის გაფორმების ბონუსი 100 მილიონ ევროს შეადგენს, ხოლო წლიურად ფეხბურთელი ხელფასის სახით 50 მილიონ ევროს მიიღებს.

გარდა ამისა ვრცელდება ინფორმაცია, რომლის მიხედვითაც, „პსჟ“-ს ხელმძღვანელობა მზად არის, ფრანგ წინახაზელს კაპიტნის სამკლაური გადაულოცოს და ამით პატივისცემა დაუფიქსიროს.

რაც შეეხება „რეალის“ პოზიციას. მადრიდში სიმშვიდეს ინარჩუნებენ, თუმცა კილიანმა უკვე იცის, რომ თუ ფრანგულ გრანდთან კონტრაქტს გააფორმებს, „ბლანკოსში“ ვეღარასდროს იასპარეზებს.